Hindi ito tungkol sa Playstation Portable na uso ngayon. Ito ay sa larong uso noon nung kapanahunan namin ni pareng kopong kopong, ang PSP, PaSumPit. As in Sumpit.
Ngayon kasi uso na ang mga war games war games gamit ang paintball o airgun. Enjoy di ba? Kala mo real life, minus the totoong mga baril. Kaso mo mabigat din sa bulsa.
Naalala ko tuloy (dami ko naaalala), mula sa bahay namin sa Dimasalang, dadayo pa kami nina Limahong dun sa Blumentritt, lakad lang. Hindi para mamalengke kundi para bumili ng supot supot na balatong (munggo). Tapos dadaan kami dun kina Mang Sebyo na Intsik para naman bumili nung pang sumpit. Di ko na matandaan tawag dun, kopong kopong pa eh. Yun yung plastik na parang straw kaso medyo mas makapal at mas mahaba sya. Yun ang ginagawa naming sumpit.
Didesenyuhan pa namin yung sumpit na animo eh baby armalite gamit ang rubber bands at kung anu-anong maisip namin. Meron pang magasin na gawa sa bahay ng posporo. O di ba hitech. War games na! Yung iba, lumalabas ang natural na pagka-creative kasi meron pa silang belt na puno ng magasin (bahay ng posporo na puno ng munggo), galing. Reload lang ng reload kapag naubusan ng bala sa gyera.
Meron din kaming mga armor at bullet-proof vest gawa sa mga karton na nahingi namin dun sa tindahan nina Aling Charing. Sempre, masakit din kaya makatama yun. Minsan nga, natamaan ako sa mata, sakit. Eh di pa naman uso goggles nun. Kaya bawal magpatama sa mata, delikado. Ang style ko, sa tenga ko pinupuntirya, para iging.
Bukod pa sa masakit sya makatama, mabantut pa minsan. Kasi yung nangsumpit sa yo kakagising pa lang, di pa nagtu-tutbrash. Madalas pagkatapos ng war games, no choice ka kundi maligo kasi basang-basa ka sa laway kakasumpit sa yo nung kalaban. Kadalasan pa naman, kala mo automatic rifle ang style nung sumpit nila kung magbuga. Mas marami pang laway kesa sa bala. Lagkit. Amoy araw ka na nga, amoy laway ka pa.
O di ba? Bukod sa mura na, libre exercise at enjoy pa. Siguraduhin mo lang magdamit di kagaya nung nasa piktyur sa itaas. Kase bukod sa baka mapulmunya ka, sigurado maliligo ka sa laway.
Hindi naman talaga ako magkokoment naghahanap lang ng dapat maililink nga lang napagtripan ko kaya walang pakialamanan. Sa probinsya namin uso din ito, nga lang hindi monggo kc sayang kesa paglaruan eh kainin na lng ng tyahin kong ilokana. Ang ginagamit naming bala eh yung matangpusa, parang buto sya eh. Singlaki, singsakit pero di singmahal. Dito naman sa manila ang pinauso nung high skul ako eh yung sumpit de sago. Gagamitin yung straw tapos may sago na maliliit. Isussumpit mo sa likod ng uniform ng kaaway mo. Hanggang sa pag uwi nakakabit sa likuran nila.
rhyannefranz’s last blog post..Anak ng Kulapo
ay oo, naaalala ko yan, sago. pang-asar yun kasi malagkit. yung matangpusa din, yun ba yung ginagawang bracelet sa baby?
ewan ko lang kung yun yon pero kung yun gusto mo eh di yun na nga yon. Eh ano naman ngayon kung yun yon? Magtanong kayo tayo sa unyon ng Union?
yun nga ata yun. yung pula na parang butones tapos me itim sa gitna..