Kung meron kang entrecard, alam kong alam mo na ito. At alam ko ding alam mo na alam ko na alam mo mo na yun. Eh yung mga di pa nakakalam? Alam ba nila na di pa nila alam yung nalalaman mo at nalalaman ko?

Eh ano naman ang paki ni Kulapo eh wala namang lintekard itong site na ito?

Kasi naman po, yung iba kong sites meron. Eto lang ang bukod tanging wala kasi Tagalog blog ito. Kelangan dun spokening dollar. Ayoko namang mag-englis dito. Bukod pa dun sa merong lintekard yung ibang sites ko, apektado pa rin si Kulapo.

Nalimutan mo na ba? Dun sa mala-impakto kong pautot na na di ko mabilang ang mga sumasali (eleven lahat), bukod sa greenbaks, nagpapamudmod din ako ng entrecard credits?

Sa bagong patakaran ng mga me pasimuno ng entrecard, di ka na basta basta pwedeng mag-transfer ng credits. Me limit na sya ngayong 1000 credits kada linggo. At hanggang 14 beses ka na lamang pwedeng mamigay. Di ko na ikakabit ang link nung pautot ng lintekard na yan. Ano sinuswerte? Wala namang entrecard itong site na to eh. Libre plugging na nga, ili-link ko pa. Tutal kung me entracard ka naman, i’m sure me link ka na sa email mo. Tama na yun.

Kaya naman, kapag natapos ang pautot na Sikatchupoy si Buraot Contest, malamang ala bumbay ang pamimigay nung premyong entrecard. At bilang mabuting mamamayan, sempre susunod tayo dun. Sa mga mananalo, makukuha nyo yung entrecard credits ng hulugan. Linggo linggo.

Sa premyong dolyares naman na humigit kumulang na $550.00, hulugan din. Piso isang araw. Wahahahah! Joke lang! Masyado ka namang serious.

Sa ibang araw na lang ako magpo-post ako ng matinong update sa pautot na yun. Wag muna ngayon gabi na.  Pati na rin yung eleven libo-libong mga blogistang me entry na.