Kahit na anong bawal sa akin, wa epek. Pag gusto ko, gusto ko. Pag ayaw ko, ayaw ko. Lalo kapag pinipilit akong gawin ang isang bagay na di naman talaga bukal sa loob ko.

Ganun talaga katigas ang ulo ko. Sinubukan ko nga hampasin ng bote, matigas talaga.

Yung iba naman sinubukan hampasin ng baseball bat, wa epek pa din. Nabiyak lang ng konti at medyo na-oblong. Pero ilang araw lang, balik na uli sa kanyang original na hugis ang ulo ko. Oo, pramis.

Bawal ang uminom. Bawal magsigarilyo. Bawal ang man-tsiks. Atmaramipangiba. Bawal. Masama sa katawan. Daw. Lahat naman ng bagay, masama sa katawan kapag sobra. At kapag dyeta, masama din.

Ang alak kapag ginamit mo in moderation ay hindi masama. Sa halip, ito ay totoong mas nakakapag paganda ng iyong kalusugan. Ibinababa nito ang iyong cholesterol level at tinutunaw ang mga taba sa iyong katawan. Pero sempre, pag sinobrahan mo naman, tutunawin din nito di lang ang iyong cholesterol kundi maging ang iyong atay at balun-balunan. Isama mo pa ang apdo.

At sempre sa alak mo pede ihalintulad ang tsiks. Bukod sa ika nga flavor comes naturally with age, ito rin ay mabuti sa pangangatawan if you use it wisely and na naman,  in moderation.

Kapag sinobrahan mo naman ay baka sa halip na simpatiko ang dating mo eh maging ga-palito ka na lang. Pag wala ka naman nito at dyeta ka, siguradong daig mo pa ang isang matandang dalaga na maasim pa sa pinikpik na bunga ng kamyas. Magiging burautin ka at mainitin ang ulo kagaya ko.

Sa tatlong pangunahin bawal, ang sigarilyo lang naman talaga ang may masamang epekto sa katawan mapa konti man o mapa marami man ang iyong tirahin. Kada hithit mo, isang buwan ang ibabawas sa buhay mo. Pero dahil natural talaga akong pasaway, katwiran ko.. eh ano? Lahat tayo mamamatay. At least ako, mamamatay ng nag e-enjoy.

Buhat nung dose anyos pa lang ako, yosiboy na ako. Tuwing uutusan ako ng mga kuya ko bumili ng yosi ke Aling Charing, nagyoyosi na ako. Pano ba naman, kapag uutusan nila ako, kelangan sisindihan ko na. Kaya bago pa ako makarating  sa bahay, nanganglahati na ang sigarilyo.

Nung mapadpad ako dito sa Merika, sinubukan ko na ihinto. Grabe naman kasi sa  mahal. Yung isang kaha ng yosi dito, isang pakete na ang katumbas sa Pinas. Kaya kahit walang nagbabawal sa akin, huminto na ako. Muna.

Nung mag-umpisa ako humada sa gabi, tamang inip at buraot na naman ako. Kaya ayun, balikbayan ako sa yosi. Pero di na basta yosi. Kelangan big-time na din. Tabako na tinitira ko. Ilang taon na din akong nagtatabako. Sarap naman kasi dahil amoy at lasang sikabeyb sokoleyt.

Eto na, na-ospital na nga ako. Kahit di pa naman nila alam ang totoong sakit ko, minabuti kong  ihinto na ang pananabako ko. Me natira pa nga akong dalawang tabako. Di ko na ginalaw para meron akong souvenir. Sayang nga lang yung zippo na niregalo sakin nung boss ko nung umalis ako ng Los Angeles. Me naka-engrave pa namang pangalan ko yun at sempre… logo ni Batman.

Kaya Yosi Kadiri… ngayong balentayms, quits na tayo! (muna ulit)