Dahil pinagtsistismisan na kami sa iskul, naging mainit na kami. Bukod naman kasi sa marami mga di nakakaintindi sa salitang “walang pakialaman”, me mga iba din ksi na di maiwasan na magkamot ng magkamot ng kanilang makakating dila.

At isang araw nga, nawala na lang parang bula si ma’am ko. Parang pumutok na plastic balloon. Nakailang balik pa rin ako sa bahay nila pero hindi ko sya nakausap.

Para na akong inuyat na nganga ng niyog….

Ayon sa bespren nyang titser din, for her own good, kailangan nyang umalis. Dahil daw kasi sa pagiging mag MU (mag-un!) at kaka PDA namin, nahalata na kami sa iskul. At bilang titser, masama daw yun. Yun na nga, napatalsik inilipat na lang sya ng ibang iskul na pinapatakbo din ng kaparian.

Dahil medyo timang na ako at medyo masalimuot na ang buhay ko nun, di ko na sya hinabol pa. Sakto naman na dahil ipina-deport na ako sa Timbuktu dahil nga nagluluko na daw ako sa pag-aaral. 1988 pa nun kaya di pa uso ang text text. Ang cellphone pa nun ay kasinlaki ng baterya ng traysikel. Kaya tuluyan na kaming nagkawalaan.

Pagkagradweyt ko ng hayskul sa Timbuktu, bago ako tuluyang naging kolehiyolo, binalikan ko si ma’am….

Madali ko namang naispatan ang bahay nila. Pero itinuro ako ng kapatid sa ibang bahay, dalawang kanto ang layo. At di lang bahay ang nag-iba, pati apelyido nya. Wham Bam! Para akong bingyan ng mag-anak na sampal. Para akong bata na naagawan ng kendi, gusto kong maglupasay sa iyak. Oh my gulay! Why? Whyyyyyyyyyy?

Nakita namin yung  bagong bahay ni ma’am. Pero medyo alat, wala pa daw si ma’am, nasa iskul pa nya. Dahil alam ko naman kung saan yung bagong iskul, dun na ko nagpunta. Palabas sya ng gate ng makita ko na naman ang kanyang biloy na kasinglalim ng biloy ni Raul Aragon. Parang me sumikat na araw, sakto sa mukha ko. Sempre, nagkiss kami, sabay hug.

Ang maganda nito, masa matangkad na ako sa kanya ngayon. Pero ok lang kahit hindi, pantay pantay naman lahat pagdating dun di ba? Sa pag-ebeg ibig ko sabihin.

Me dumaang isang titser na kahawig ni Ms. Tapia, masama ang tingin, inginuso ako na parang nagtatanong, “manay sino yang boytoy mo na yan?” Nakuha naman ni ma’am ang ibig sabihin kaya depensa agad sya na ako ay isa nyang dating estudyante. Dali dali kaming umuwi sa kanila.

Dahil mahaba-haba ang aking… baong kwento, naisip namin na lumabas na lang. Habang nagbibihis sya, imangiyak ngiyak nyang kinukwento na iba na nga ang apelyido nya. Habang ako naman ay medyo tulala. Pagkatapos ay dinaanan namin ang isang pinsan nya at kinaladkad nya para sumama sa amin.

Nag-Jollibee na lang kaming tatlo. Habang lumalapang kami ng chiken joy ay kulang na lang ay ikiskis ni Ma’am ang pagmumukha ng pinsan nya sa mukha ko kaka-reto. Pero sabi ko, “ma’am ikaw ang gusto ko hindi sya no?”

Huminga muna sya ng malalim kasing lalim ng biloy nya… “Buraot, di na tayo pupwede, may asawa na ako. Mas bagay kayo netong pinsan ko, magka-edad lang kayo…” sabay kurot sa pwet pisngi ko.

Para akong natutunaw na strawberry chocolate sundae nung sinabi ni ma’am yun. Wahhhhhhhh! “Ba’t di mo ko hinintay?” mangiyak ngiyak na sabi ko. “we are not meant..” and sabi nya at kung anu-ano pang achuchuchu na hindi ko na naintindihan pa.

Sasabihin ko sana, “Tenkyu for the memories…” kaso sobrang cheesy at OA naman nun, feeling ko pang Imelda Papin. Kaya simpleng  Tenkyu na lang ang nasabi ko para kyut.

Sayang. Sayang yung chicken joy. Di ko naubos kasi nawalan na ako ng gana.

Nagyayaya pa si ma’am lumabas at mag night out pero tumanggi na ako. Kahit pa anong pakyut nya sa akin, kahit na anong pagpapalabas pa nya ng biloy nyang kasinglalim ng biloy ni Raul Aragon, tumanggi na ako. Sigurado kasing irereto lang nya yung pinsan nya na kamukha naman ni Raul Aragon.

Umuwi akong luhaan habang sa utak ko, naririnig ko yung kanta ng Air Supply. Ewan ko ba kumbakit andaming kanta, sa Air Supply pa. Pwede namang sa Abba.

Hindi bale kung ayaw na sa kin ni ma’am. Tutal medyo malabo naman talaga umubra. Sobrang layo ng bahay nila agwat ng edad namin. Tutal college naman na ako, hahanap na lang ako ng iba….

Ng ibang titser.

WAKAS (na muna)

Para sa kabuuan ng Valetaym feature na wentong ito, narito ang pagkakasunod sunod.

Part 1: I Hope So Ka Dyan
Part 2: Operation Leps to Leleps
Part 3: MU as in  Mag Un
Part 4: Wham Bam Tenkyu Ma’am