Minsan wala na naman ako magawa.

Napansin ko yung itaas ng header ko. Sempre alangan namang nasa ibaba, header nga eh. Kasi pansin ko, tatatlo lang ang anki-anik na page. Ang pindutan ng Home page, ang pindutan ng FAQu page, at pindutin si amanda page ang pindutan ng Alagad ni Kulapo page (blogroll). Parang kulang kulang. Parang yung me-ari.

Kaya naman, kinarir ko na naman ayusin kahit di naman dapat.

Hayan, kung mapapansin nyo, subukan mo lang, marami ng mga pages ang andyan. Inilagay ko na rin kung saan mo ako matatagpuan in case kailangang kailangan mo talaga ako at di ka na makakapaghintay ng bukas. Yun eh kung maiispatan mo ako. Sabi nga ni toniboi, panay ang paramdam nya sa YM ko, di naman ako nagre reply. Wahahahahh! Kasi ayoko makita na online ako. Gusto ko kasi lagi akong imbisibol.

Isinalpak ko na rin ang listahan ng mga naipon kung mga Kuyu-Quotes.

Sa mga inaraw-araw kasing pagre-reload ko ng page na ito, iba’t ibang Kuyu-Quotes ang nasa itaas, so naisip ko, bakit di ko ayusin at pagsama-samahin para di ako mahirapan. Ayan, dagdag na pahirap na naman ang naisip ko. Sempre ang listahan ng mga malulupit at mga cachupoy na banat dyan ay madadagdagan lagi. Yun eh kung me maiisip akong matino na pangdagdag. Kelangan kasi ang quote, serious.

Nilagyan ko na din ng Saytmap para kung sakaling maligaw ako sa mga kabulastugan ng mga pages dito, pwede kong hanapin ang sarili ko.

Ngayon, kung sakaling ikaw naman ang nawala, o may gusto kang hanapin na nawawala, o mga tanong na bumabagabag sa yo na walang kinalaman sa mga posts dito, o me tanong ka lang talaga na  sa tingin mo eh dispalinghado pero gusto mo pa rin hanapan ng sagot. O kaya naman eh naghahanap ka lang ng gamot sa bukol, sabihin mo lang. Malay mo, me nagbabasa dito sa blog ko na alam ang sagot sa tanong na yan.

Dito mo i-epal yan sa Batian Portion page.

Hmnnn.. parang me naisip akong pautot tungkol dyan. Abang-abang ka na lang muna.