Buladasphere Updates: Lipat Bahay Atbp.

Bago ka magreklamo kung bakit puro Pitkyur Piktyur lang ang mga nakikita mo dito, wag ka na umalma….

Napansin ko kasi sa pag-iikot ko (kahit di ako nagko-comment) ay medyo marami rami ang mga nagkakasakit na kagaya ko. Marami rin ang mga naglilipat ng lugar na kagaya ko. May mga busy sa bagiog mga ekeks na gaya ko rin at may mga umuwi na ng Pinas na kahit di kagaya ko ay gustong-gusto ko namang gayahin.

1. Hindi Uma-absent si Sir.

Kahit na ata inooperahan pa, hindi mo mapapa-absent si Sir. Si Propesor Pajay. Kasi naman, nasa ospital na at lahat, nagba blog pa. Tindi mo. Heheheh. At dahil bihira naman akong mag-ikot lately ng blog, nagulat lang ako ng konti sa mga posts nya na ooperahan na lang eh nagba blog pa. Wahahahah!

Kagaya ko, medyo inis na rin sya sa syamnapu’t syam na mga doktor na kung anu-ano lang naman ata ang pinag-gagagawa. Pagaling kaw at ingat ka dyan sa mga doktor dyan sa Saudi. At saka, ok lang umabsent kapag me sakit.

2. Santacruzan sa New Orleans.

Naunsyami ang paglipat ng lola sa Windy City. Ang siste pala ay pinahanginan lang sya ng mga kalahi ni Rod Navarro dun at wala syang nahita kundi sama ng loob. Balita ko pa naman eh may naaamoy na atik si Reynz dito sa Pacific Northwest, may kasosyalan sana ako dito. Kaso wala akong kamalay-malay na ang hitad, wala na sa Philly. Napadpad pala ang bruha sa below sea level na lugar.

Kunsabagay, mapapraktis nya dun ang kanyang Lingua Francois. At sempre, me dadaloy na naman sa kaban ng Banco de Reyna. At sempre, babaha na naman ang boylets. Congrats Reynz!

3. Ibalik Ibalik ! (Ang tambalang Guy en Pip).

Nagbabalik po mula sa kung saan ang aming tropang si Bluepanjeet. Naging busy yata lately ang ating trops kaya di natin maispatan. Kala ko tol, nag-asawa ka na. Heheheh. Fully operational na po ngayon ang kanyang site na pang binat na binat na Bachelor Pod. At asahan nating susunod pa ang lima pa sa anim nyang mga sites na pasok sa kanyang Pentablogs.

4. Balikbayan Naman si Juan.

Hindi si Juan kundi si Kotseng Kuba. Matapos ang kanyang pagmimina ng tutpik sa hopia wonderland, ang ating paboritong sasakyan ay umarangkada na pauwi. Katulad ng pangarap ng maraming OFW, sana KK ay marami ka nang hopia salapi pauwi. Nakanaks, kainggit!

Anyhoo, dahil balikbayan po si Juan, at kahit sempre papetik-petik muna sya sa habang nagbibilang ng hopia, me raket pa rin sya. Yung me mga gusto magpaayos ng websayts dyan, hayan ipa-ayos mo lang sa kanya sa murang halaga. Para sa inyong kaalaman mga madlang pipol, si Kotseng Kuba/Dmitry and dahilan kung bakit maraming mga websayts at blogs ang patuloy na namamayagpag sa ere. Sya ang takbuhan ng mga Pinoy na webmaster para kumpunihin ang kani-kanilang sites. Mula sa simpleng repair at pati mga pangontra sa mga mambabarang hackers, sya. Kaya naman para makasiguro kang oks na oks at safe ang site mo, i-konsulta mo na sa kanya, mura lang. Sabihin mo ipinadala ka dun ni Buraot para me libre kang plastic balloon.

5. Limpak Limpak na Salapi (at Entrecard Credits)

Ayaw mo ba ng kwarta? Me entrecard ba ang site mo? Kung oo o hindi, basta. Bahala ka na. Ang kababayan kasi nating si Pinayjade ay may malaking bertdey pakontest. Sayang ang premyo no. Matindi rin ang kontest na ito dahil bukod sa $100 na ipinamimigay, namimigay din si pinayjade ng 200,000 entrecard credits at mga libreng mga blog reviews at ads. At dahil mainit na mainit ito, di rin ito magtatagal ng husto kaya pasyalan mo na DITO. Mahigit isang buwan lang ang kontest dahil Sa April 30, 2009 ang ending. At sempre ang pinaka-matindi dito, sponsor ako. Wahahhaha!

Ang Anak ni Kulapo ay sponsor sa halagang $20 at ang isa ko pang site na I Am Buraot ay sponsor naman ng 10,000 entrecard credits.

Sya, magde-design pa ako ng t-shirts ni Kulapo.

Posted in: amerkanong hilaw, buladasphere, linkback pugak, lintekard, pinoy pride, sakitchupoy

Tags: buladasphere, linklove

This entry was posted on Thursday, March 26th, 2009 at 12:15 am and is filed under amerkanong hilaw, buladasphere, linkback pugak, lintekard, pinoy pride, sakitchupoy. You can follow any responses to this entry through the RSS 2.0 feed. You can leave a response, or trackback from your own site.