Side A Forevermore

Noong nasa kolehiyo pa ako, minsan inaabot ako kung saan saan. Sempre palibhasa natural akong palaboy laboy sa kung saan saan, basta me inuman, basta me gimikan, maaasahan. Kahit sa dulo ng walang hanggan Pangasinan, kayang-kaya kong marating.

Kaso, katulad ng karamihang mga kelots, wala akong hilig magbitbit ng maraming gamit. Yun bang kahit bumabagyo na’t lahat eh ayaw pa rin magbitbit ng payong.  Dehins cool teng. Kung ano yung suot, yun na yun. Strike anywhere, dude. Duuuude!

Minsan pag me plano, me dalang knapsack at me lamang kung anu-anong agimat. Kadalasan isang set lang ang pamalit. Pag wala namang plano, wala kahit anong bitbit, maliban sa baon. Kung walang damit na pamalit, bahala na si Batman.

Kaya hindi miminsang kinakailangan kong maglipat ng aking underwear from Side A to Side B. Minsan naman, habang naliligo, lalabhan ko na sya at isasampay salikod ng ref habang nakamaong ako ng walang brief. Presko naman sya kaso madalas naiipit. Trip ko pa naman kasi ang magsuot ng button-fly na mga 501. Kaya minsan di maiwasang sumisilip si Manoy at ang belebeho ng di sinasadya.

Noon yun. Ngayon sempre, hayteks na. Kung talagang wala kang time mag-impake, me mga nabibiling mga disposable underwear. Meron ngang edible eh. Kung bakit meron ding edible, ewan ko. Di ko alam yun, pramis.

Eto ang mas hayteks kase mga astronauts sa Japan ang naka-imbento, mga stink-free underwear. Hanef!

Kahit wala ng labahan at wala na ring palitan. Kahit na pagpawisan ka pa, di pa rin nagkaka-amoy. Stink-free nga eh.At kahit ilang lipat mo from Side A to Side B, walang problema. Kahit pa forever kang Side A. Oo, kahit ilang buwan.

Kaya lang, di ka kaya manlagkit nun? Yuks.

Posted in: alamat, onli in da pilipins, promdi

Tags: brief

This entry was posted on Friday, March 27th, 2009 at 1:50 am and is filed under alamat, onli in da pilipins, promdi. You can follow any responses to this entry through the RSS 2.0 feed. You can leave a response, or trackback from your own site.