Hindi naman sa di ko napapansin at pinapansin ang tag at award na ibinigay ni Pinkoy. Nagkataon lang na me sakitchupoy ang lolo Buraot mo at di ko agad naisalpak at naipangalandakan dito.

Bale dalawa kasing magkasunod na no-look assist ang ginawa sa akin. Eh medyo eng eng ako sa basketbol kaya di ko agad napansin. Ang alam ko kasi sa basketball ay yung sinu-shoot mo muna bago mo idri-dribble.

At bago pa mauwi sa kung saan ang kwento ko, eto na at isasalpak ko na ang sagot sa mga tags.

Ang una ay ang Handwriting Tag. Kailangan ko piktyuran ang aking sulat kamay (kamay kasi hand) at i-post sa site ko. Eto ang madugo kasi 100 years na akong di nagsusulat kasi puro type ang ginagawa ko.  At kahit pa parang meron na akong carpal tunnel syndrome, wala pa rin kapraktis pratis ang mga kamay ko sa pagsusulat.

Eto pa ang isa, isang Trophy Award mula pa rin kay Pinkoy. Uy trophy! Dagdag sa mga trophy na nasa ulo ko at mga trophy na isinalpak ni Jordan sa bag ko sa pagiging Champion.

At ang trophy award cum tag  na ito ay isine-share ko sa bagong mga champion ng PRE, ang mga Pom Pom Girls na sina Reesie, Silver at Lee.