Kung madalas man ako nagbibigay ng welkam palo dito sa site ko, wag ka masyado matakot.  Baka kasi isipin ng mga naliligaw dito, fratman ako. Hindi po. Mas mataas ang level ko dun. Heheheh.

Anim kaming mga magkakapatid na lalaki. At wala sa lahi namin ang sumasali sa frat. Dati na kasi kaming frat noon sa Timbuktu, Frating Gutom.

At kahit pa halos lahat ng mga pinsan pinsan namin ay mga pulis, wala ni isa man sa amin ang nangarap na maging pulis. Dati na kasi kaming mga mukhang pulis. Police characters.

Nung nag-aaral pa ko, marami ang nagtangka na i-recruit ako, lahat sila umuwing luhaan.  Tulo lahat ang laway nila. Kahit pa takaw bugbog ako, di ako sumali. Maliban na lang sa mga nakilala kong mga amasona na pilit na nagmulat ng mata ko sa kung anu-anong achuchuchu.

Kaya ang kinalabasan ko, sa halip na member ng frat, taga-awat ng  mga pakyut na frat. Para akong si Carlos Padilla Jr. Sikatchupoy na boxing referee. Kung di mo sya kilala, itanong mo muna ke Zsa Zsa.

Kapag me mga fratman na magsusuntukan.. “o sige nga pitikin mo nga tenga oh?” , ako ang taga iskor. Kapag may  magsasaksakan, ako ang gigitna. Kapag me magbabarilan, ako ang haharang. Mabuti na lang walang nagsasaksakan at nagbabarilan. Kung hindi, katulad ng pulis dun sa amin sa Timbuktu, manonood na lang ako. Ano bale?

“Hayaan nyo yang mga pakyut na yan, para mabawasan ang mga siraulo dito..”

Ayoko ng hazing, kontra ako hazing, at dapat lang na tigilan na ang mga kabaliwang ganyan sa mga campus at mga training ng mga lespu. Isang malaking kabalbalan lang yan. At walang welkam palo na nagaganap dito. Term ko lang yun para i-welkam ang mga bwisitors dito sa site ni Kulapo.

Ala ay yun laang naman po.

Welkam palo mo mukha mo!