DaDaDaDaDaDaDaDaDaDaDaDaDa… Batman!
“Just how old do you think you are?!!!”
Sigaw nung katrabaho kong Romanian habang tawa ng tawa. Nakita nya kasi na bukod sa Batman belt ko, may matching cufflink pa akong suot suot. Kulang na lang kapa. At sempre si Robin.
Hinila pa ako ng bruha papunta dun sa mismong boss naming puti at sabay tanong, “How old do you think Buraot is?” “Old enough to realize that Santa aint real?” sagot naman ng boss namin.
Tawanan lang kami ng tawanan. Habang ako naman nage-explain kung bakit sa tinanda tanda kong ito, mahilig pa ako ke Batman. Kung bakit naman kasi nangingialam. Kanya kanyang trip lang yan. Saka lahat naman tayo, batang isip. Eh sa trip ko si Batman eh, bakit bah?
Mas mahirap kung si Robin ang trip ko.
Sa ngayon dalawa ang peborit kong belt. Sempre me batman buckle yun. Pag pang makulay, yung me dilaw. Pag naman formal ang trip, yung itim, para medyo subtle.

At sempre, di mawawala ang plaka ni Tagpi.

Nasa college pa lang ako, Batman na ako. Di pa uso ang celfon. Meron namang me celfon nun, kaso yung me celfon, pang mga executive lang. Saka parang plantsa. Saka de baterya na singlaki ng traysikel. Pocketbell pa lang ang uso saka radyo.
At ang handle ko, Batman na. Me katrabaho ako nun, nasa field.
“Base… base.. asan ka base?”
“Hulaan mo.”
Kung pwede lang lumusot yung kutos ko sa radyo, malamang nabatukan ko. Gumagalaw kaya ang base?
This entry was posted on Monday, May 18th, 2009 at 12:05 am and is filed under KABILANG IBAYO. You can follow any responses to this entry through the RSS 2.0 feed. You can leave a response, or trackback from your own site.























BURAOT May 18th, 2009 at 7:19 pm
wahahah! kasi si batman pag naging trip si robin, bukod sa badingerz sya, pedophile pa. nyahahah!