Kung dito sa blogosphere, marami ang nagpapataasan ng ihi, wala yan sa amin sa bolok-bolok. Dahil lahat mahahangin, di na kelangan ng mga tao na magpataasan ng ihi. Nagpapalayuan na lang ng ihi. Ahihihihi.

Dahil napagwentuhan yung mga pakontest nung nakaraang post ko, eto ang isa pang classic na promdi. At least dito di mo na kailangan ang rules na pabago-bago dahil mas simple pa ang pakulong ito kaysa sa “simpleng writing project” ni Janette Toral.

Wala kayong gagawin kundi magpalayuan ng ihi. Simple di ba?

Kung dun sa palpak na Emerging Influential Blogger contest, kailangan mong “mang-impluwensya” ng kapwa mo blogger para ka maging influential, dito sa pakontest na ito, ang mga kontestant ay walang ibang kailangang impluwensyahan kundi ang kani-kanilang pantog para mas malakas ang daloy ng pamatay-sunog.

Pero ika nga ni Janette , may requirement para sa lahat ng sasali.

At kung sa pakontest ni Janette pwede ang isip bata, dito hindi. Mga boys lang ang pwede. Kasi kung may mga matatandang mama at binata na sasali, siguradong ipapahinto ni Father. Mga bagets lang pwede, yung mga bulilit.

Nung bata ako, ito ang pinaka-paborito kong palaro. Bukod kasi sa madali lang ito, wala kang gagawin kundi ilawit ang batoytoy mo in public at umihi. Expert ata ako dun. Pag nagpapraktis nga ako, sinusulat ko yung pangalan ko sa pader, dikit dikit pa yun, at may tuldok.

Bago ang actual na palaro, kami ng mga katrops ko na kasali din, para kaming mga athlete, kakarga muna kami ng mala-steroids na samalamig bago ang game para mas puno ang puson at mas malakas ang aming mga ihi.

Kaya naman sa mismong game na, napapangisi na lang kami dahil para kaming bumbero na pumapatay ng sunog habang pumo-pose ng mala-Machete. Habang yung mga chickabeybs na nanonood ay walang ginawa kundi magtawanan ng magtawanan habang nakatingin sa pundilyo namin.

Di ko lang ubos-maisip kasi sa kontest sila natatawa o dun sa mga batoytoy namin.