May bago na naman tayong lab letter sa isa na namang walang magawa sa buhay. Narito ang kanyang lab letter.

Dear Lolo Buraot,

Isa po akong handy man. You name it I fix it. Lahat ng pwedeng dutdutin, kaya kong dutdutin.Trabaho ko po ang mangalikot ng mangalikot. At dahil marami akong kinukumpuni, marami rin po akong mga gamit o tools. Me hi-tech me low tech. Basta makakatulong sa aking trabaho, dala dala ko.

Sideline ko po ang mag-imbento ng mga kung anu anong anik anik na pupwedeng makatulong sa akin sa araw araw na gawain. Me naimbento po akong tool na talaga namang epektib at very handy. At sa  tuwing ginagamit ko po ito, ako ay namamangha. Likas pong mahiwaga.

Ito po ay makakatulong ng malaki sa publiko.At di nyo po naitatanong, likas po akong matulungin. Sigurado ko rin pong magki-klik ito at maraming bibili. Gamit po ito, ngayon wala nang hula hula, saktong sakto na.

Ang problema ko po ay ang aking gerlpren. Dahil po sa naimbento kong ito, ayaw na nya akong makita.

Naguguluhan na po ako. Ano po ba ang pipiliin ko. Ang makatulong sa kapwa gamit ang bago kong tool? O ang Sundin ang aking gerlpren at kalimutan na lang lahat lahat?

Nagmamahal,
Andoy

P.S.

Kalakip po nito ang aking naimbentong tool.

Andoy,

Likas ngang mahiwaga ang naimbento mong tool. Para sa kapakanan ng nakararami, kalimutan mo na ang gerlpren mo at ituloy mo ang pagbebenta ng iyong mahiwagang tool. Padalhan mo muna ako ng isa para masubukan ko kung epektib nga.

BURAOT