Dahil malapit na ang haloween, eto na po ang pinaka hihintay ninyong update sa mala-impaktong pakontest ng site na ito. Para lang po hindi malabnaw sa lahat, narito ang sagot sa iba ninyong mga mala-impaktong tanong.

Sikatchupoy si BURAOT Contest? Ano yan?

Yan ang mala-impaktong pakontest ng site na ito.

Eh ano naman ngayon?

Wala lang. Magpapamudmod lang naman si Buraot ng humigit kumulang one thawsand syete mil $550 as in amerkanong dollars sa mga sasaling mga blogs sa pautot na ito.

Talaga? Ganun kalaki?

Oo, pramis. At me kasama pang entrecard credits. Kaso yung entrecard credits, hulugan kasi me bagong rules ang entrecards na kelangan 1000 credits a week lang ang pwede i-transfer.

Baka naman drowing lang yan?

Aktwali, bagsak si Buraot sa art class, pati na rin sa penmanship at homeroom. At kung drowing lang yan, eh sira ang kabuhayan ng mga blogs ko.

$550? as in Dollars? Huwaaw!

Bale yan ang total na papremyo.

1st prize ay $300 at 3000 entrecard credits

2nd prize ay $100 at 1000 entracrd credits

3rd prize ay $50 at 500 entrecard credits

at $100 na consolation prize sa mapipiling pinaka-matindi o makabagbag-damdaming post.

Hanyaman mo naman! Saan naman galing yang mga papremyo mo?

Ang mga pa-premyo ay mula sa iba’t ibang sources nakikilan ko. Ang iba  ay galing sa aking pinag-pokpokan sa ibang blogs, at ang iba naman ay galing sa ibang mga kopong kopong na sponsor ng blogs ko. At ang pinakamalaking parte ay galing sa pamana sa akin ng nasira kong malayong kamag-anak sa Nigeria.

Teka.. teka… Pano naman pipiliin ang mananalo?

Balak ko bobolahin lang dun sa likod ng sagingan. Pero baka gumamit na lang ako ng randomizer sa internet o gumamit na lang ng tambiolo at i-video or baka gagayahin ko na lang ang pautot ni badudels ng www.kwentongbarbero.com. Kung me ideya ka naman, sabihin mo lang.

Bago lang ang blog ko, pwede ba ako jan?

Wala ng limit kung kelan nag-umpisa ang blog mo. Ayon sa revised rules na pinirmahan ni Bush, lahat ng blogs, pasok na. Kung tapos na ang kontest, at dun ka pa lang gagawa ng blog, eh sa ibang kontest mo na lang yan isali, yung pang eng eng.

Kelan ba ang tapos ng pakontest mo?

Ang huling usapan namin nung mga kubrador ko at bookies ay November 30. Deadline for submission of entries ay November 30, 2008, 11:59 PM, Pacific Standard Time (ibig sabihin oras dito sa Amerika kung san ako nagkukuta). Ito ay para bwena manong pang krismas shopping sa mananalo at di naman ako mamumulubi bago magpasko.

O sya, eh papano naman kami sasali?

Simple lang ang pinaka-punto ng pakontest na ito, i-link mo lang ng 2 beses ang site na ito. Una, ang bagong domain/url ng site na ito na www.anaknikulapo.com, at isa sa mga post ng site na ito, kasali ka na. Ganun ka desperado magka -link ang me ari ng site na ito.

NOTE: as in importante: Pagkatapos mo mag-post ng entry mo, wag mo kalimutang kontakin ang me ari ng site na ito sa pamamagitan ng pagpo-post ng comment kahit saan sa site na ito o thru email sa buraot101@gmail.com kasi minsan mabagal ang aking mga auto-bots na alagad, di agad mahanap ang link. Wag mo ipapadaan sa post opis, mahaharang.

Para sa karagdagan, mas detalyado at pampalitong impormasyon, bisitahin ang mismong Contest Page sa pamamagitan ng pag-klik here. Oo dyan nga!.

Umakyat ako sa bundok ng tralala para mag-agam agam, at humingi ng kasagutan. At sempre, nag-ala Plato na naman ako. Hindi plato na pinggan na pinaglalagyan ng tsibug. Plato na kumpare ni Aristotle, nukaba?

Kasi napansin ko, April Fools Day ko pa ipinaskil sa blog ko yung pautot ko. Kahit pa malaki ang premyo, $550 suma total at 4,500 EC, ng aking mala impaktong pautot, ang Sikatchupoy si BURAOT Contest, ilan pa lang ang sumasali. Kahit pa walang entrance fee, walang bumibili ng paninda ko.

Siguro marahil subalit datapwat dahil…. wala din naman kasi akong oras para mag-bloghop at i-network ang blog ko kaya di ko mai-anunsyo ang pa-kontest ko. At dahil matigas din talaga ang ulo ko, walang Ingles sa mga post ko, kaya bihira rin ang makatsamba sa site ko. Yoko kasi mag-Inglish dito baka duguin ilong ko. Dami mong satsat, wala lang talagang kwenta ang site na to kahit na anong suhol ang gawin mo. Kunsensya, tumahimik ka.

Kaya para mas madami ang maka-alam ng mahiwagang pakontest ko at ng blog ko, naisipan kong gawin ang mga sumusunod:

1. Kumuha ng paid ad, whole page, sa Inquirer.
2. Gumawa ng commercial na ipapalabas sa Wowowee at sa Eat Bulaga
3. Magpagawa ng campaign jingle ke Lito Camo.
4. Ilagay ang piktyur ko sa lahat ng dyip ng Piston at Fejodap, pati na rin sa mga bus byaheng probinsya.
5. Taasan ang aking campaign fund mula sa $550 prize at gawin itong $550,000 o kaya naman ay
6. Wag nang mag-blog. Tumakbo na lang na Presidente.

Kaya naman, nirepaso ko (ulit) yung rules. Tutal, links lang naman ang habol ko (nating lahat), inalis ko na yung time limit sa kung kelan pinanganak yung blog ng mga sasali.

Ayun sa rules na imbento ko lang, para makasali sa Sikatchupoy si BURAOT Contest, dapat ang blog mo ay in running condition na bago pa mag April01, 2008. Pero dahil nilalangaw ang pakontest ko sa apila ng libo-libong naligaw ng landas, pina-veto ko na ke pareng Bush ang rule na yun. Lahat ng blog ay pwede ng sumali kahit na kakapanganak mo lang.

Sempre sa lahat ng eleksyon sa Pinas, lahat ng natatalo, sasabihin nadaya sila. Kaya naman, para consistent, ganun din ang gagawin ko. Kasi naman no? Sa nakaraang bilangan ng mga boto sa pautot ni Badudels, na-stuck na ang bilang ng mga boto ko. Porti payb years na ang lumipas, nasa 2,700 pa tin ang boto ko. Its hunfair!!

Kaya kinunsulta ko ang aking eleksyon lawyer na si Haydee Burak. At base sa mga tsismis na nasagap nya, ang kaso ko ay katulad din ng kaso ni Ramon Revilla nung unang kumandidato syang senador. Hindi nabilang ang boto nya dahil hindi umepek ang agimat nya dalawa ang pangalan nya, Jose Butista at Ramon Revilla, at isa lang dun ang nakarehistro sa comelec at sa NSO.

At dahil binago ang url ng Anak ni Kulapo mula sa kopongkopong.blogspot.com at ginawang www.kopongkopong.com, malamang daw hindi nabilang yung mga hinakot ko mula sa payatas.

Kung kaya sempre, kahit pa milyun milyun ang ibinayad ko, walang bagong botong pumasok. Kung kaya dahil sa sinapit ko, napagkaisahan namin ng mga abugago ko na magpa-recount. At kahit pa umabot ako sa korte supremo, gagawin ko, magpapatulong ako ke Loren dela Guardia at ke Koko Paminta.

Magpa-file pa sana ako ng complaint kaso kelangan daw dito ako pumila….

At sempre pa, pag sineryoso mo ko, siraulo mo.

Sasabihin ko lang naman na baka di ka pa nakakaboto, eh isali mo na ako. Sayang ang t-shirt, tayp ko pa naman. Wala kang gagawin kundi iboto ang 5 sa iyong pinaka-paboritong mala-cachupoy na blogs. Sempre dapat kasali ako sa lima, dahil kung hindi, etsapwera ang boto mo. Malaki ang pa-premyo. Pramis. Para sa dagdag na impormasyon at kung papano boboto, please see badudels website here. And here.

Sa isang banda naman, mabilis pa sa sikat ng araw ang pamamayagpag ng ating ka-repapits na wala naman balak magpatawa eh maraming napapatawa. Sino pa, e di ang babaeng walang katulad mag-comment na si xiennah gurl ng chiksilog.com. Kasi pag nagko-comment sya, palaging parang tumutulang makata at mala-haiku ang dating. Pero dahil kakaibang nilalang din sya, mala-impakto din ang dating ng mga blogs nya. Kakaiba ang kanyang mga banat, dark comedy ang dating sa akin.

Ganun din naman ang ating repakol na walang kasimpogi na kahit matagal ko nang di nabibisita, eh alam ko naman na kokey na kokey pa rin ang dating. Ang #$&%$%^ si ferbert ng kokeymonster.com.

Sempre, nangunguna pa rin sa listahan ang walang kupas na sosing katulong na si Inday. Pero kung titingnan natin ang tally ng Namfrel, konti na lang ang agwat. Pwedeng pwede na uli nating ituloy ang ating mga maiitim na mga balak…. ang Ibagsak si Inday! Mwahahahahah!

Ayan, puputaktihin na naman tayo ng mga fanatics ni Inday nyan.

Forty-payb years na rin ng huling sumagot ako sa mga tag-tag na ganito. Madami pa rin akong naka-imbak sa baul. Sensya na sa mga nag-tag. Me Alzeimer na ata ako eh. Pero eto, ibabalik ko na, pampalaman sa blog. Heheheh.

Unahin ko na itong isang galing sa bagong presheep na si Enday. Ala slumbook ang dating nito, buti na lang 5 questions lang.. oopps 6 pala.

1. What was I doing 10 years ago?

Anong year na ba ngayon? Ahhh.. 1998… naglalamyerda ako sa Subic noon. Nagje-jetski ako hila hila ko yung barko ng US Navy.

2. What are 5 things on my to-do list today?

Una, mag log in sa aking blog…
Pangalawa,sagutin ang tag na ito sempre….
Pangatlo, maghanap ng makulit na piktyur para isalpak sa pautot na ito …
Pang-apat, ipost ang entry na ito sa blog ko….
At panglima, mag-logout at matulog.

3. Snacks I enjoy:

Adobong mani, nilagang mani, nagaraya (mani pa rin), kwek kwek, betamaks (isaw), helmet (ulo ng manok), adidas (paa ng manok), curly tops, flat tops, at serge (tsokoleyt yun ni kopong kopong).

Kelangan me kasamang sarsi. Di pedeng wala.

4. Places I’ve lived:

Pinanganak ako sa Oriental Mindoro, lumaki ako sa Dimasalang. Madalas ako magbakasyon sa Isla Verde, Batangas kasi tagaron ang tatay ko. Tumira ako ng matagal sa Olongapo at Hermosa, Bataan at Los Angeles (California hindi sa Pampanga). Suki ako sa Iba, Zambales. Lagalag ako sa Batangas, Cavite, Laguna, Quezon. Oo buong Southern Tagalog. Pati na rin sa Pangasinan, La Union, Benguet hanggang sa Romblon at Palawan. Di na ako rumonda sa masyadong south, takot kasi ako makidnap ng Abusayap.

5. Things I’d do if I were a billionaire

Ipapamigay ko yung iba para di na ako billionaire, millionaire na lang. Takot nga ako makidnap eh.

Hello, Garci… ako ito. Oo si Buraot daw billionaire na.

6. People I want to know more about

Sempre, yung abusayap. Nukaba? Para hindi nila ako makidnap.

O sino ang gustong magpa-link dyan… yuhooooo.. paramdam lang at ita-tag ko dito.